القائمة الرئيسية

الصفحات

10 اسئلة شائعة واجابتها بخصوص بلوجر وادسنس والربح من الانترنت

10 اسئلة شائعة واجابتها بخصوص بلوجر وادسنس والربح من الانترنت


السلام عليكم متابعي ومحبي مدونة القمة للمعلوميات ، هل انت لديك مدونة الكترونية او تفكر وتريد انشاء مدونة الكترونية ومتردد تختار بلوجر ام ووردبريس ، هل تريد معرفة ان يمكنك الربح من الدومين المجاني ام لا ، في هذه التدوينة اسهل عليك جميع اسئلتك واقدم لك 10 اسئلة واجابتها باختصار وهذه الاسئلة شائعة وتتكرر كل يوم من الزائرين علي موقعنا.

10 اسئلة شائعة واجابتها بخصوص بلوجر وادسنس والربح من الانترنت


1. بلوجر أفضل ولا وورد بريس؟


بلوجر أفضل لو أنت مبتدأ ، وورد بريس لو بقالك فترة في المجال مع العلم أن ملهمش أي علاقة على ترتيب مواضيعك في محرك البحث

2. هل ممكن انافس بدومين مجاني؟


اه ممكن جدا تنافس عادي بس الدومين المدفوع هيسهل عليك في المنافسة وهيخلي الزائر عنده ثقة اكتر في موقعك لما يشوفه في جوجل

3. موقعي مش بيتأرشف ليه؟


لو انت عندك الروبوت تكست مظبوط والسايت ماب ومواضيعك حصرية أعرف انها مسألة وقت وهيتأرشف

4. هل الأرشفة اليدوية مضرة؟


اه طبعًا الأرشفة اليدوية مضرة وخصوصًا لو موقعك جديد وضررها في أنك بتعمل (كسل) لعناكب البحث في انها تاخد المواضيع تلقائيًا من موقعك ومع الوقت هتكون مضطر أنك تأرشف كل موضوع يدوي لان جوجل اعتمدت انك أنت اللي بتبعت الموضوع مش هو اللي بيدخل ياخده من موقعك

5. ليه مش بتقبل في ادسنس؟


باختصار عشان تتقبل في ادسنس محتاج قالب بسيط متجاوب ومواضيع حصرية متقلش عن 10 ولو عامل اقسام في الموقع خلي في كل قسم مش أقل من 5 مواضيع وأهم حاجة حصرية المحتوى.

6. هل دومين بلوجر بيتقبل في ادسنس؟


اه طبعا لازم تبقى عارف ان بلوجر منصة تابعة لجوجل وأدسنس شركة أعلانية لجوجل فمستحيل شركة جوجل مش هتقبل الدومين بتاعها هو بيتقبل عادي خالص بس لازم خانة الأرباع تكون مؤهلة في المدونة عندك.

7. ليه سعر النقرات عندي ضعيف؟


سعر النقرة بيعتمد على كذا حاجة أولهم جودة المحتوى تاني حاجة سعر الكلمات اللي في موقعك لازم تختار كلمات اسعارها عالية ثالث حاجة زوار المدونة بلدهم أيه لان سعر النقرة بيختلف من بلد لاخرى وع فكرة لو انت موقعك معظم زواره مثلا من مصر ممكن تستهدف زوار من دولة تاني برضو حتى لو موقعك قديم عن طريق الكلمات المفتاحية وافضل اداة تستعين بيها جوجل كيورد بلانر

8. هل يوجد بديل لأدسنس؟


أدسنس ملوش بديل عشان متتعبش نفسك ع الفاضي ولكن في شركات اعلانية اعلاناتها سعرها معقول ولكن برضو لا يقارن بأدسنس وده لأني معظم الشركات دي هتلاقيها حاطة اعلانات ادسنس اصلا في موقعها

9. هل إعادة الصياغة بيضر الموقع؟


لا اعادة الصياغة مش بيضر الموقع بشرط أن متكنش كل مواضيعك اعادة صياغة يعني مثلا اعمل موضوع وموضوع واعادة الصياغة تكون جزرية يعني انت بتبص ع المقال اللي هتعملها اعادة صياغة وتاخد الفكرة وتكتبها بأسلوبك.

10. مننين أجيب صور بدون حقوق ملكية؟


متتعبش نفسك وتضيع وقت أسهل طريقة انك تاخد الصورة وتعمل فيها أي تغيير حتى لو هتقص حجمها بس ع الفوتوشوب ا برنامج الرسام واستخدمها تاني عادي

هذه هي أهم 10 اسئلة والشائعة باجابتها باختصار ، اذا كان لديك سؤال او استفسار يمكنك كتابته في تعليق وسوف اقوم بالرد عليك واضافة سؤالك في هذه القائمة وشكرا لكم.

تعليقات