كتب احد مستخدمي منصة الفيسبوك علي صفحة مختصة لكرة القدم هذه الرسالة وقال ان منتخب السعودية يتطور عن كاس العالم 2018 والفرق بين كاس عالم 2022 الحالي وهذا البوست اتفق معه العديد من المتابعين ويتفقون علي ذلك
الرساله كالأتي :
اديني عقلك دقيقة بس
انا متابع قديم للدوري السعودي، وبعيدة عن البمههه تعالى اقولك انا ليه متوقع انه المنتخب السعودي ممكن يعمل حاجة النهارده او على الاقل يظهر بشكل كويس
بعد خيبة 2018 الدوري السعودي فتح عدد الاعيبة الأجانب ف الدوري من أربعة ل 7 من ضمنهم حارس مرمى لانه قبل كده كان ممنوع الحارس الاجنبي
ما بتكلمش عن لاعيبة منتهية جاية تلم قرشين بس، هما اه بيلمو قرشين بس في ف عقودهم شروط وعقوبات وغرامات مش سداح مداح،
من بعد2018 دخل الدوري السعودي لاعيبة زي بانيجا وجوميس و تاليسكا و اوسبينا وطارق حامد واندري كاريلو و فنسنت ابو بكر و باولينهو وجوفينكو واسامي تانية كتير..
ال لاعيبة احتكوا ف التدريبات والماتشات مع لاعبين عالميين بخبرة كبيرة ومستواها ارتفع بشكل كبير من اربع وخمس سنين فاتو كل فريق ف الدوري السعودي معاه طقم محترفين عنب واللاعيبة المحليين مستواهم ارتفع جدا بسبب الاستراتيجية دي، ده غير التنافس المحلي القوي والسيطرة القارية للاندية السعودية، كل ده بسبب فتح قيد الأجانب ومش اي اجانب خد بالك زي ما قلت الصفوة بس وأصحاب الخبرات الكبيرة والسن الصغير إلى حد مش لاعيب منتهي جاي اسم بس
و متنساش معاهم مدرب كبير اسمه هيرفي رينار بيعمل من الفسيخ شربات وفاهم شغله وهراهم تدريبات بدنية قاىىية
صحيح الاحتمال الأكبر انه السعودية تخسر، بس انا اديتك اسباب اللي بتخليني اقولك السعودية مش هتخسر بالساهل وتجربتهم دي لو اتوجت بإنجاز ف كاس العالم يبقى شابوه فعلا
الكلام عن متابعة مستمرة للدوري، انا اكتر واحد بيسف ع السعودية بس الحق حق.
ما رأيك ، هل منتخب السعودية في تطور فعلا واحتمال يوصل لنهائيات كاس العالم 2022؟
